اخبارية عفيف
الصور مقالات تقارير مناسبات عن إخبارية عفيف الإدارة والمحررون راسلنا أرسل خبر أرسل مقال كن مراسلاً الأحد 10 ربيع الأول 1440 / 18 نوفمبر 2018

جديد الأخبار

المقالات
شاعر وقصيده
الشاعر : محمد السليس : هذه حقيقة غيابي عن أمسيات عفيف
الشاعر : محمد السليس : هذه حقيقة غيابي عن أمسيات عفيف
03-25-1431 08:42 PM

أعزائي أعضاء وزوار موقع إخبارية عفيف نستضيف اليوم شاعر من شعراء محافظة عفيف أحد شبابها الذي ظلمه الاعلام في ابراز شعره الذي يروق لذائقة المتابع شاعر امتدحه عدد من الامراء شاعر مبدع ومتألق في أمسيات خارج محافظة عفيف فدعونا نتعرف على شاعرنا من خلال هذا اللقاء :

image



البطاقة الشخصية للشاعر محمد السليس ؟
الإسم : محمد علي السليس
العمل : أعمال حره
الحالة الإجتماعية : متزوج

متى بدأت تكتب الشعر ؟
قبل حوالي 15 عاماً وكانت بداياتي محاولات خجوله حتى وصلت الى مستوى أشاد به كبار الشعراء

هل هذا أول لقاء لك بالشبكة العنكبوتيه ؟
لا هناك عدة لقاءات بمواقع قطرية وسعودية .

هل أجري معك لقاء في أحدى المجلات الشعبية سابقاً ؟؟

لا وانا السبب في ذلك لعدم رغبتي في الظهور اعلامياً في ذلك الوقت

أيهما أقرب إليك شعر المحاورة أم شعر النظم ؟
شعر النظم في فترات معينه وشعر المحاورة في أغلب أوقاتي

هل تذكر أول قصيدة كتبتها ؟
لا أريد الخوض في البدايات لانها كانت ذات مستويات متواضعه ولا ترقى للقراء

لماذا لم نشاهد الشاعر محمد في القنوات الفضائية رغم كثرها ؟
تقصير مني إتجاه الإعلام وهذا الوقت الشاعر هو الذي يبحث عن الاعلام وانا لا ارغب البحث عنه وانما شعري هو الذي يبرزني .

هل تقصد ان اغلب الشعراء يبحثون خلف الاعلام من اجل ابراز انفسهم ؟
بلا شك هذه الحقيقة ويا كثرهم ولكن لا تجد لديهم شعر يرتقي لذائقة المتابع

لماذا إقتصر حضورك على المواقع الالكترونية وبالذات مواقع دولة قطر ؟
لوجود شعراء على مستوى عالي في دولة قطر وأحببت أن أكون ذا حضور مميز بينهم وأكتسب من خبراتهم الشعرية .

هل شاركت في أمسيات أو محاورات شعرية ؟
نعم شاركت في العديد من الأمسيات الشعرية كان أغلبها في الرياض والخرج والشرقية وأما بالنسبة للمحاورات فقد إقتصر حضوري في الحفلات الخاصة بزملائي ومجالسنا الخاصة بعيداً عن الصخب الاعلامي .

لماذا لم نشاهد الشاعر محمد في أمسيات ومناسبات محافظة عفيف ؟
عفيف ليست بارة بأبناءها وأنا لم أتلق أي دعوه ولو دعيت لحضرت بدون أي مقابل لما تستحقة عفيف مني .


بماذا لقبك صاحب السمو الأمير فيصل بن يزيد في أحد اللقاءات به ؟
لقب سمو الامير أفتخر به وهو وسام على صدر ولقبني بالضوء القادم من النجوم .. شعاع عفيف وصاحب النكهه الجميلة ..
ومبدع القوالب الشعرية .

هل الساحة الشعرية أكتفت بعدد الشعراء الموجودين وليس بإمكان أي شاعر جديد إثبات نفسه في هذا الكم الهائل من الشعراء ؟
الشعر موهبة لا تتوقف على أحد ولكن يبقى للشعر متذوقيه وعمالقته والساحة لا تنظر لعدد الشعراء وانما تنظر لما يكتبه الشعراء .

ماذا يعني لك لقب صاحب السمو الامير : عبدالرحمن بن سعد بن فيصل عندما لقبك شاعر جيل الشباب بمواصفات قديمه ؟

كلام سيدي سمو الامير يعتبر وسام على صدري ودافع لي لتقديم الجديد والمميز وهو احد متذوقي الشعر المبدعين .

هل عفيف تملك عدد من الشعراء المبدعين ؟
الكثير والكثير ولكن شعراء عفيف ظلموا انفسهم بإعتمادهم على الاقليميه في شعرهم .

متى أحسست بالقدره على الوقوف أمام الجماهير وإقامة الامسيات الشعرية ؟
عندما شجعني الامير صاحب السمو الامير يزيد بن فيصل وقدمني في أحد الامسيات في مدينة الرياض بحضور عدد من الامراء والشعراء .

أيهما تفضل الشعر الفصيح أو الشعر النبطي ؟
الفصيح كان في مرحلة دراستي جامعة الملك عبدالعزيز بجده ولكن النبطي هو الاقرب لقلبي دائماً .

لقبك العديد من الأمراء بألقاب عديده خلال لقاؤهم في جلسة صاحب السمو الامير يزيد بن فيصل ؟

جميع من شجعني من أصحاب السمو الامراء والشعراء هو فخر لي وتشجيع لي لتقديم الجديد والمميز ولكن كلام صاحب السمو الامير يزيد بن فيصل بن يزيد عندما قال : السليس أقل ما يقال عنه إنه شاعر فيلسوف في مفرداته مزاجي في تعامله مع النظم ..فلا يمكن ان تتنبأ بما سيصدر عنه .. فهو يداهم دهشتنا ويبعثر مُخيلتنا بكل ماهو غير متوقع ..سريع البديهه حاضر الشعر وصاحب حضور جميل ..يحمل الطيبة وروح الحياء البدوي الأصيل في شعره وفي منطوقه .
. ويحمل الصخب والفوضاء في احيانا اخرى عندما ينفعل على قافيته ويحاول ان يروضها لكي تخرج ابياته في نسق منظوم مُتقن الترويض .. فهو يرى القصيدة الجديدة كـ المهرة الصغيرة المتمردة ويجب ان يعسفها خبير مُتمرس .. فلا ضير أن يقضي وقته في ترويضها ان احتدم مزاجه وإن ((إسفهل )) فهو خير من يدلل قصيدته .. وإن إحتدم شعراً فهو بركان يقبل ..جميع الضروف الصعبة .. حتى يروضها
وكلام صاحب السمو الملكي عبدالعزيز بن مشهور بن مساعد بقوله محمد السليس خلط انسجة خاصة به وانماط لا يمكن ان تكون لغيره فهو تمكن من ادواته وأبحر على فلسفتة ..
وطرق باب الشعر بطرق مميز فهو شاعر رسام بالحروف مُبدع وكأنه ينحت قصائده على شكل عمل فني ويمزج أعماله الشعرية بروحه وبيئته .. محمد السليس أخذ من همومه حروفاً ومن احزانه عناقيداً ومن تجربته إطاراً وخلفية لإعماله وكيف ما اراد ان يُشكل في أعماله فـ للعمل بصمتهُ الخاصة به ..فقد جعل من الكريستال سائلاً ومن الماء صخراً ومن الهم كائناً ومن النجوم اصدقاء له يتحدثون معه احياناً ويستمعون له احياناً اخرى
..فهو يختار خلفيته لوحته وكيفيه الوانه وهو يعلم أن الجماليات متواجده في كل الأشياء من حوله ولكنها تتفاوت وبنسب معينه .. كما تتفاوت النجوم بقربها وبعدها عنا ..
وكلام صاحب السمو الامير عبدالله بن فيصل يزيد بقوله المتابع لقصائد السليس يجدها نوع من الإبحار والبحث عن جماليات الطبيعة وجماليات كل من يسير بقدميه على هذه الطبيعة ..
فهو شاعر فنان وبيده قلم متمكن وريشة تجيد اللعب بلألوان ويد تجيد النحت وتشكيل الأشياء ..السليس داخله بركان ثائر يسكن في صدره .. وفنان جميل وهاديء يسكن قلبه .. ويملك نظرة عجيبة لروئية الأشياء من زوايا مختلفة .

متابعينا نستأذنكم قليلا لننتقل الى اجمل ما كتبه الشاعر محمد السليس في الشعر النبطي والفصيح والمحاوره التي أختارها لنا :


image


في مجال الفصيح

مازلت ابحث في نفسي وازمانـى=ارضا من العشق تمحو كل احزانى 
فالصبح يخذلنى والليـل يغرينـى=والحلم يسكن في قلبي ووجدانـى
والصبر يقتلنى والشوق يحيينـى=ولا ازال غريبا ً وسـط اوطانـى
لازلت ابحث عن حـب ٍ يشكلنـى=ويرسم الحب في نزفي والحانـى
حتى الحروف اللتى كانت تنادمنى=قتلت حضوري في سماء زمانـى
حتى الاماكن ماعـادت تكلمنـى=ولاتشكل حرفي عبـر اشجانـى
كل اللذين عشقتهم فيمـا مضـي=لم يفهموا شرعي ونـص بيانـي
==============

غيري كما يحلو لكى  وتأكـدى=انـى احـب الغيـرة العميـائي
ياحلوتى وحبيبتـى واميرتـى=ومدينتـى وقضيتـى ونسـائي
ثقي بأنى لـن افـرط لحظـة ً=بهـواك او برياضـك الغنـائي
قد كنت قبلك ثائـرا ً متشـرداً=من عالم الاعراب والبسطـائي
رجل بسيط واضـح ٍ مغمـور=لم اهوى يوما ً عالم الاضـوائي
قومى لهم فصل الخطاب سجية ً=من خير من وطئوا على البيدائي
معهم ولكنى غريـب ٍ بينهـم=من لامحب لـه كمـا الغربـائي
حوربت في زمن ٍ يقل وفـاءه=حتـى بـلادى اهلهـا اعـدائي
كل القضية ان صدقي مصيبتى=ولااجامـل اغلـب الشـعـرائي
لم استسغ فن النفـاق واهلـه=في مجلس الادبـاء والامـرائي

=================

خمرى هو الشعر .. والافكار معصرتى=أقلامي الكأس .. والاقـداح محبرتـى 
هيا تعالـى الـى خمـرى .. نعاقـره=فالسكر من غيركى .. تأباه اوردتـى
سيجارتى ..تبغهـا ماعـاد يغرينـى=ولا تسلل من عامين .. فـي رئتـى
ياربة الحسن مافي الحى مـن احـد ٍٍ=يصحوا على صوت اقداحى وعربدتـى
ان الاحبـة.. ياليـلاي .قـد ثملـوا=تسامروا ..دونما نبس َ من الشفتـى


=======

لو تجرحيني ما  بكيـت=ولا سئمت ولا أشتكيـت 
هيا افعلي مـا تشتهـى=فالأمر لي وأنا رضيـت
أن تظلمـي أو تعدلـي=فأنـا أثينـا افروديـت
أنـا أرضهـا وبلادهـا=وأنا فداهـا مـا حييـت

=============


في مجال المحاوره

بين النجمين (( محمـــد السليس @@ ابراهيم الشيخي ))
محمد السليس = ...

الا يالنداويه عليكم سلامى=نردة لنجمٍ من النجوم المطله
الا ياولد زهران شد الحزامى=وهاك الثمين ومارخص منه خله

ابراهيم الشيخي=..

هلا مرحبا عداد ورد الحيامـي=من الهاجس اللي ماتجي منه زله
ولا يامحمد جيت واللعب حامي=ولن جبت غالي العلم يفداك كله

محمد السليس = ...

يدوم البقا والعلم ماهـوب طامـى=متـى الله يبـدل بالاهلًلـه اهلًـه
ترى الجرح مابين اللحم والعظامى=بسيطٍ دواه وليـت احـد فاطنلـه


ابراهيم الشيخي=..

اثاريك طامع في كبار الاسامي=تبي تقلع احدهم وتقعـد محلـه
ترى كل شيٍ عندنا له نظامي=ولاكل من فيديه سيـفٍ يسلـه

محمد السليس = ...

اببدا براس شعيل نابى السنامى=على راسه امسي مزنةٍ مستهله
واصدر على ابراهيم مرسوم سامى=وكم من خليلٍ بفرقه دون خله


ابراهيم الشيخي=..

ولا يامحمد مانت جايع وضامـي=على شان تقعـد للمناعيـر علـه
ولن كنت تونس لك بخشمك عرامي=ترى قدمك اللي كـل عقـدٍ يحلـه

محمد السليس = ...
ملا عين ابن زهران صحـن الايدامـى=وربعـه شبـابـه تعتبـرهـا مـذلـه
واذا قلت ابا افزع مع (خناذف ) عمامى=مصير (السحيمي ) يوم تمسي عشاً لـه
ابراهيم الشيخي=..

انا ماجتنب فرضي ولاجرح صيامي=وحب المراجل في ضميـري جبلـه
ولا ياجملنـا ياكبيـر العظـامـي=لاتهزا بغصنٍ مبركك تحـت ظلـه

محمد السليس = ...

وفالختم احب اقول بعض الكلامى=ترى بان لك مله ويخفـاك ملـه
لعلمك لعلمك كان مغزاى سامـى=مع الوقت تفهم ويش انا عانىٍ له


ابراهيم الشيخي=..

صلاتي على المختار مسك الختامي=ولابعـد هـذا العلـم ليتـه لعلـه
تفقد كلامـي ليـن تفهـم مرامـي=وبكره يبـان العلـم دقـه وجلـه

========================
وفي مجال النبط

مقتطفات من اشعاره

========


الشعر عبدي ..وانا واحد من اسياده=غصب ٍ على خاطر الزعلان والراضي
لاهس دربه ..فأنا سوطه وجلاده=وان دل دربه ..غفرت الذنب والماضي
جانى هديه ..مع اللوعات بقيــاده=ماجا من الواقع المليان والفاضي
تعبت لين ادرجونى ضمن رواده=رفعت دعواى ..وأثبت حقي القاضي

========

منول احلام عمرى كانت وكانت=وخسرتها كلها واحد ورى الثاني

==========

قالت بصوت ٍ فيه غي وترانيم=لاعاش حي ٍ حال بينك وبيني
انت الاسد وانا تحت كفك الريم=كلنى أذا ياصاحبي تشتهيني

===========

صداقتك تعتبر .. اجمل صداقاتـي=اعتز فيها ..واحييهـا ..واقدرهـا 
تعيش في داخلي ..وتلملم اشتاتي=ولا افكر ف يوم ..ب كسر خاطرها
احس فيها ..تشكل من معاناتـي=من اول اشواقها ..لاآخر مشاعرها

==========

اذا.. اعجبك شطر بيتٍ نازفه حبـري=فأنا اعتبره الوسام ...لمجمل اشعاري

=========

عطينى النـاي الحزيـن وغنـى=الليل ساري والهـوى  سمـارى 
ورديلي ..اجمل ماخذيتـى منـى=النوم.. والراحه.. وعذب اشعارى


=========

طيفك لفا البارح ولا رد السلام=وانا احسبنه من غلاى يظمنى 
تبي الكلام اللى ولا بعده كلام=ياللى تبعثرني غـلا وتلمنـى
انا آخر العشاق في دنيا الغرام=اقولها واللى زعـل ماهمنـى

===============


البارحه هبت على راسي نسانيـس  البـراد=واشعلت هاجوس القصيد وطاب موال السهر 
وقربت لى دله واناجالس على حيد الشـداد=وارخيت لعنان الهجوس ودار دالوب الفكـر
من امس وانا في صباح وفي هجاد وفي عناد=اخذ حجر وارمى حجر واعدل حجر واقلب حجر
ماكنى الا فارس ٍ يـوم المعـارك و الطـراد=يرقب متى رد البرى وايقن بعد جـاه الخبـر
تعبت واتعبت المطايا من بـلاد الـى بـلاد=احيان ترعي في قفر واحيان ترعي في زهر
أدور ذهيب ٍ غدا وامسيـت مثـل السندبـاد=مامل من طول الرحيل ولاشكا طول السفـر
مليت من جور الزمان وضقت من ظلم العباد=الوقت يطعن فالنحر والناس تطعن فالظهـر
الي متى في عين حسادي وانا اذر الرمـاد=والى متى وانا ادمح الزلات وارمي فالبحـر



============

انتى مدينه عامـره بالاحاسيـس=لك زخم باريس وحضـارة اثينـا 
من حولك اسوار وجنود ومتاريس=حتى على ساحلـك مافيـه مينـا
ابعد من الجنه على حضرة ابليس=واقرب من الدمعه بعين الحزينـا


=========

===============

حنا العرب ..صرنا مطيه ماتهاب من  الركوب=يركب عليها الغرب لين يحقق اللـى  يدركـه 
ضاعت مبادئنا وضاع الدين واخطينا الـدروب=وصرنا نقلد غيرنا لو طاح في وسط شركـه
وحكام بعض اقطارنا صاروا مثـال للعيـوب=خير البلد تستهلكه ...وشعوبهـا مستهلكـه
وابسط عذر تستخدمه في مسألة قمع الشعوب=لاصوت يعلو في وطنا فوق صوت المعركـه


==========

ياكثر ماراسي توسد كوعى=والناس في حلو المنام هجوعي 
مالى ونيس الا القلم والدفتر=اغلى مواليفي واعز ربوعي
ياليتنى ورع ٍ صغير وجاهل=اطفي شموعى واشب شموعي
ماعندي الا لعبتى وثيابي=وما افكر الا فالظما والجوعى
ماشلت هم ٍكبر ضلع العارض=بين الحنايا والنحر وضلوعى
جاثم على قلبي ولايرحمنى=صوت الضمير اللى يشق سموعى
اسباب تقصيري وكثر ذنوبي=يوم اتذكرها تطيّر شوعى
يارب انا عبدك ومالى غيرك=ومن خشيتك دايم تفيض دموعى


===========


الحزن مع حضرتى دايم  كريـم=مايمـن ولايطـوّل  بالغـيـاب 
كنى الدمعه علـى خـد اليتيـم=وكنى اللاهث ورى طرد السراب
اتظاهر بالفرح.. وانـا غشيـم=كيف يفرح واحد ٍ كله صواب؟؟

==========


اذا نويـت تغيـب يامنبـع  التـوت=عطنى خبر من شان اظبط  امـورى 
لكـن امانـه لايقاطعنـى الصـوت=صوتك ووصلك عندى امر ٍ ضروري
وصلك يكفيني عن الشرب والقـوت=وصوتك سماعه من دواعى سرورى
حقك علىّ ..انى احبك الـى المـوت=وحقي عليك ..انك تراعي شعـورى

==========

كنت افكر فيك دوم وكنت ابيـك=راضي قيودك ..مبي تحريرهـا 
وكانت اشواقي وروحي في يديك=بس ما وفقـت فـي تقديرهـا
اعتبرني فرصة ٍ راحت عليـك=واطلب الله العوض في غيرهـا



=========

ياخذني الشوق لين آقف على بابـك=وتهل عيني على اطلال الغلا الماضي 
يوم اسرق الضحك من تينك وعنابك=وأجيك زعلان وارجع داله راضـي
كان اجمل الشعر يوم يلملم اسرابـك=تكون به متهـم ..وتمثـل القاضـي

===========


لاتسألينـي ؟؟؟ ليـش أهـل  العبايـر=كيفي .. وانا ابخص ..في عبااير عيوني

=============

تبقين غير الكون فالحسن يابيـروت=جميله وانيقه في مساك  وصباحاتك 
يجيك الحزين الهايم المغرم المكبوت=وينسي همومه والتعب بين ساحاتك


=============

عاتبنى بذوق.. واجرحنـى بحنيّـه=عشان اقدر حضوره واكره غيابـك 
ترى المحبـه حلاوتهـا الحقيقيـه=انك تضحى بكل الكـون لا احبابـك


============

تبسم لجارحك .. واضحك لمبغضك=تكسر مجاديف الثنين .. بسهولـه 
===============

البارح علومك ومحور حديثك=عن السفر واجواءه العالميه
بغيت اقول ارجوك عجل بغيثك=ترى جروح الوصل خضر ونديه
لكن ماراح اطلب ولاشي .. حيثك=تدرى وش ابغي.. مايبيلك وصيه


===============


ياعازف العود لاتقسي علـى  اوتـاره=ارفق بحـال الجريـح وقـدر شعـوره 
بعض اللحون الحزينه تكشف اسـراره=خصوص ..لاكان جرح وغاب دكتوره
الشوق .. نوتة عنا ... والفقد قيثـاره=الحانها مـن سنيـن العمـر مبتـوره
وجيش المشاعر متى ماشن لـه غـاره=ذكّر وصال الحبيب وماضى عصـوره
وانا صراحه... غريب يعيـش فديـاره=مؤمن بمبدأ .. وخايف يعلـن الثـوره


===============

في غيابك كن لون الكـون داكـن=والفرح مثل اليتيم ... بلا قرايـب 
الشوارع مظلمـه والجـو ساكـن=والمدينه موحشه والشوق ذايـب
آه لوتدرى عن احـزان الاماكـن=كان ..ماتميت ساعه ..وانت غايب

=================

فتنة الحفل غارت من بهاك  الزهور=كل زهره جميله من حلاك  ..ذبلـت 
يوم جيتى وعم الصمت كل الحضور=كل غيره بقلب الحاضرين .. شعلت
في تواضع حضورك مات كل الغرور=والستاير على كل البنـات ..نزلـت


============

تعال قبل اصير شاعر  ومشهور=وتعض من فرقاي كف الندامـه 
انا طلبتك ود واحساس وشعور=دام الغصن شامخ ولابه ..حمامه
ولايغرك كونى انسـان مغمـور=انا حضورى ..بدر ليلة تمامـه

==============

ودي بعد طـوّل غيابـك ..  بلقيـاك=ودي اناظـر ..مابقـي مـن حنينـي 
بشوف وش سوى زمانك ..بدنيـاك=حتى الاقي عـذر .. لدمـوع عينـي
ياكثر مامـرت علـى البـال ذكـراك=واحيت حكاية مامضي .. من سنينـي
يوم اقطف الامال ..في الحلم .. وياك=واقول يابـدر البـدور ..احضنينـي
اهيم واسمع نبرة الحـزن ..وبكـاك=وارجع وانا كلي سعـاده .. حزينـي
ياما زعلت وقلت انا الشعر .. لرضاك=وياما غفيت من الوله ..فـي يدينـي


=================

يامساومنى على  ..جـرح  الكرامـه=اخسر احلامي .. ولايرخص مقامـي 
علـم العـذال.. يامـال السلامـه=تبرد جروحـي ..ولاتبـرد عظامـي
لو يعيب الذيب ..جرحـه وانهزامـه=ماعوى فوق الجبل ..والجرح دامـي
الحظيظ ..اللى علـى كيفـه منامـه=مستريح مـن المـوده.. والغرامـي


==================

صفحة ٍ جت في  حياتى  وانطوت=وعادتى لاقفيـت ماناظـر  ورى 
نجمة ٍ من عالى ابراجـى هـوت=لو خفوقي مـن هواهـا مابـرى
ولو عيونى من حلاهـا مارتـوت=أنى ارجع فـي هواهـا ماطـرى
مأكذب اليا قلت للزين احتـوت=وللحنان اللى ندر بيـن الـورى
بس طاعت كبرياهـا وانغـوت=وفي الهوى ماحب بيع ومشتـرى


=================


احن لايام ..الشقـا ..  والطفولـه=واذكر برائتها .. وتذرف  دموعـي 
يوم الحياه اعيشهـا .. بالسهولـه=واكبر همومى عطلة آخر اسبوعـي
يمر يومـى .. والدقايـق عجولـه=من فرحتى فاليوم..ما اظما واجوعى
واليوم يومى في حسابـي يطولـه=من موعد القومه ..لموعد هجوعي

=================


البارحه دمعة عيونـى خالطـت حبـر  النشيـد=يوم السفر كـان القلـم والدفتـر أيـام الغيـاب 
اليوم ثانى يـوم وانتـى يامنـى عينـي بعيـد=فقدت صوتك والبستنى ضيقتـى لبـس الثيـاب
اليوم في بعدك دهر هـاذا هـو الشـئ الاكيـد=لاعاده الله من((غياب)) اللى له اسرجت الركاب


============


تدرى وش الحكمه اللى دوم في بالي؟؟=( حاول تبيّن شموخك ..في انكساراتك)

==================


من ثلاث سنين عطـرك مابـرد=ريحته باقي اثرهـا فـي  يـدي 
مثل زولك عن خيالـى ماشـرد=من بعد ليل الـوداع السرمـدي
يوه .. لو تدرى ..بذكرك ..لاورد=كان ترحم حالتـى .. ياسيـدي


==================

يادمعتى وقفـي لحظـات فـي  موقـي=وان رحت في عزلتى هلى علـى كيفـك 
هلى على ضيقتـى والا علـى شوقـي=والا علـى حظـك .. وفرقـا مواليفـك
هلى .. عشان اتسلا والعـب طروقـي=مادمت انا الضيف ..هاتى واكرمى ضيفك
ياصاحبي هد طيـري واطلـق سبوقـي=والا تعـال انعـش القلـب بسواليـفـك
مادام راسي صحيح وتنبـض عروقـي=بأعيش مع ذكرياتـك واحتضـن طيفـك
اقولها واحتمى قولـى وانـا ..روقـي=اهواك ... لو ان قلبي مات من سيفـك


==================

ترى حلاة الجسم ... ايام  وتـرووح=تفنى ..ولايبقي ..سوى طهر الارواح

==============

حبيت حرف النون مـن شـان خلـى=وحبيت كل اسـمٍ بـدا بأولـه  نـون

================

يابنت انا مانى .. بحي الله انسان=يحب في ساعه ويكره بساعه
انا بشر كلى مشاعر ووجدان=ألجم شعورى قبل ماطوى شراعه
اشيل ماشال الجمل فوق الامتان=بس ان قلبي صعب ..تلوى ذراعه


============


قالت .. أحبك .. قلت ابي شاهد اثبات=قالت ... الى هلت دموعي ... بوريك

===========

تلومنى لا قلت ما بيك ما بيك=من بعد مابين الحنايا سكنتك
كنت اشتري ضيق المخاليق وارضيك=وان ضاق صدرى بالمواجع زبنتك
لكن تعلمت الخيانه على ايديك=شفتك .. تخون اشواق قلبي وخنتــك


==========

قررت.. اعيش اللى بقالى ..بدونك=ماعاد باقي فالعمر كثر ماراح
مليت من طيشك ..ونزعة غرورك=اهديك حب وتهدى الخافق اجراح
وامر وادهى من جروحك ..ظنونك=تظن في السوء ..وتنام مرتاح
ماهوب انا اللى.. في غيابك يخونك=لوطاح غيري..قلب مغليك ماطاح
ما اكفاك ..لامن شفت دمعة عيونك=سهرت.. اكفــه.. لين فلاج الاصباح
واتعب عشان اصنع سعاده..بكونك=وماشوف منك الا ..المواجع والاتراح
أقسي من طعون الليالى ..طعونك=وماعاد باقي فالعمر ...كثر ماراح

===============


ان  كان حبك في حياتى خطــايا=سمونا يغفر خطانا ويمحيه
انتى من الاقدار احلى الهــــدايا=واغلي هديه فالزمان ولياليه
اخذتنى من بين ذيك الزوايا=وعيشتنى جو ٍ جميله معــــانيـــه
وسمعتنى شهد الحكي بالشفايا=وسلمتك القلب المعنى وراعيه
له بحة ٍ سوت بقلبي سوايا= خلتنى انسي العالم اللى أنا فيــه
بس الاكيد انه يجيب المنايا=و يذبح خفوق اللى يحبك ويحيـــــــه
لا يابعد كل البنات الصبايا=اموت لاناديتك .. وقلت لبيه

=======================


ان بغيت تزيدنى هم وعنــا=دور جروح ٍ على قدري تليق
وحط جرحك ياهنا ..والا هنا=خافقي شامخ مثل قمة طويق
والعياذ من الأنا.. لكن انا=كم جرحنى من حبيب ..ومن صديق
واقلب جروحى مواويل وغنـــا=واقهر العذال ..واسر الرفيق


==================

الشيب لاح بمفرقي فـي  شبابـي=حزنى شباب وفرحتى عمرها شيب

============

كلم وسولف يابخت اللى تسولف له
اكيد مرتاح لعلومك علـى الآخـر
اكيد تسرق جـوارح قلبـه بغفلـه
بأسلوبك الرائع الفتـان والساخـر
سوالفك ..محتواها ..يشبه (الحفله)
لان مجمل كلامك راقي .. وفاخـر
======================

جودي بوصلك..مابقي للصبر حيل
ملت من الصبر الطويل المحانـى
يالله تعالـى ..تنتظـرك التعاليـل
شابت دقايق ساعتـى والثوانـي
ابي الجمال..اللى قليل ٍ بها الجيل
يملا عيونى عن جميع الغوانـي
وابي العيون.. الناعسات المظاليل
ترسم على حد المجـره مكانـي
وابي الجديل اللى فضح ظلمة الليل
يلغي انطلاقه..ليل سبع وثمانـي
وابي القوام يعزف عذب الموايـل
ويرقص كذا من دون لحن وأغانى
===================
الغصون اللى تميل مع الهبوب = كل ماهبت رياح تلوفهـــا
ماتميل بقلب رجال محسوب = يظبط الحبكه بسبك حروفها
بادي فالرجم قدام الغروب =في ضلاعين ٍ تهيل قيوفهــا
ايتغفل شردها والشرد عوب =ماتحق البندقيه ..شوفها
لو نعرف اوصاف سودان القلوب =مابلشنا بالعرب وضعوفها
بين ٍ وجه الصدوق من الكذوب = مير اعدي كذبته واطوفها
شاب راسي من مشي عسر الدروب = والحياه وضيمها وظروفها
اكبر الغلطات واشر العيوب= تجحــــد الريجيل في معروفها
====================
الفقد .. ليله لونها أسود ..وحالـك
من هولها يمكـن يشـب الوليـدي
ظلما ..وخوف..وغب صحرا مهالك
والريح ..وسباع الخـلا ماتهيـدي
حاولت ادور في غيابـك ..بدالـك
ومالاق لي غيرك..قريب وبعيـدي
تدرى وش اللى في غيابك ..بقالـك
عبرة هدب عيني ونزف الوريـدي
===================
البارحه ..غار المسا من حضـورك
حتى القمر منك انكسف وجهه وغاب
والشمس لو هي فيه ذابت ..بنورك
لوجت مع الطاقه ..تغادر مع البـاب
جيتى بحسنـك والـدلال وشعـورك
واحيا السهر روح الغلا والسمر طاب
كان التواضع فيـك قمـة غـرورك
من قدنا ..ليل وطرب روح واحبـاب
==================

دامك قدرت تغيب عنى ...ولو يوم
أرجوك كمل غيبتك .. طول الايام
احب اعيش العمر هايم ومحـروم
ولا اتعلق في رجا بعض الاحـلام
================

لاغبت والا تعبت وصابني حاجـه
أمانـه البنـدري لحـد ٍ يبكيـهـا
تحملوا صوتها المبحوح وازعاجـه
واللى يبي فرحتى ورضاي يرضيها
أخاف تحتـاج للدكتـور وعلاجـه
وتطيح عن حيلهـا محد ٍ يوديها
هى نور عيني ونور القلب وسراجه
الله يتمـم لـهـا والله يخليـهـا
=================
الغفال العوب ما اخطاها لسانـي
يـوم قلطـت الـدلال الشاذليـه
اطلق الهاجس ورى شرد المعاني
واسرج الفكره على ظهر العبيـه
واللسان حصان ولساني حصانى
والفجوج وساع والنيـه مطيـه
قمت اراجع خط سيري في زماني
واحسب اللى فاتني قبـل البقيـه
في سراب اللال علقت الامانـى
لين مت من الظما في المهمهيـه
=================
كل الدروب اللى تودي .. لروما
عيت توديلك ...وعيت تجيبـك
===============
من يوم قفلت الحقايب وسافرت
والضيق يرسل للمحاني فلولـه
حتى الرياض بناظرى مالها كرت
صارت شوارعها الرحيبه ملوله
خليتنى مع ذكرياتـك وغـادرت
أسامر غيابك بعرضـه وطولـه
ماتدري بحالي ألي من تذكـرت
والليل موحش والدقايق خجولـه
اشتقت؟واعلنت الفراق وتحيرت
مقدر اضحي بالغـرام بسهولـه
==================
عقرب الساعه قتل صمت الثوانـي
والغياب المنتظر قـرَب حضـوره
قبل تتركنى على هامـش زمانـي
اسمح لقلبي ..يعبر عـن شعـوره
كنت شي ..وصرت فجأه شي ثاني
دار دولاب الزمن فيك ..الف دوره
في حضورك كان للضحكه معانـي
تخفي طيوف التعب لحظة ظهـوره
يوم اجيلك في مكانك مـن مكانـي
اسبق اشراق الضحي لاشع نـوره
كانت البسمـه ..تزلزلـى كيانـى
ما استمع فيها مـلام ولامشـوره
مركبي هايم .. وهى مرسي الامانى
وفي شواطيها بذر حبـي بـذوره
وابتديت ابدع لها الحان واغانـي
ارسم الفكره على مليون صـوره
ماعلي قلبـي .. يغنيبـه لسانـي
اسبر اغوار الهوى واقطع بحوره
لين ذاب الشمع وسط الشمعدانـي
وانجرف قلبك ورى نزعة غروره
يامساومنى على (عمرى) ..تراني
ينكسر ..قلبي ..ولا أجبر ..كسوره
من شموخى ياخذ ..سهيل اليماني
والزهر ياخذ بعد ريحـة عطـوره
==============

اعجابك بشعري دليـل عـن التميـز والنجـاح
آقف من التقدير له ..واقدم ايامي ثمن
انا ترى شاعر تعلم مـن ظروفـه والجـراح
عطار احاول انى اصلح بعض ما افسده الزمـن
اعيش همي فالمسا واكتب قصيـدي فالصبـاح
وارسم على صدر الورق لوعه وحرمان وشجن
ياما كتبت من الحروف وراحت ادراج الريـاح
دفنتها يـوم المخـاض بـلا حنـوط ولاكفـن
===============

في ختام هذا اللقاء كلمة تود توجهها لجمهورك عبر اخبارية عفيف ؟
أولا أقدم شكري لإخبارية عفيف على إستضافتها لي وهي التي في هذا الوقت تحرص على ابراز شباب محافظة عفيف المبدعين بعيداً عن المجاملة وبدأت من المحببه لأهالي محافظة عفيف وبالنسبة لجمهوري أقول هذا فيض من غيض وسأعدم بالجديد والمميز في قادم الايام واعتذر على الاطالة عليكم واكرر شكري وتقديري لكم

تعليقات 8 | إهداء 0 | زيارات 8120


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook
  • أضف محتوى في twitter


التعليقات
#2142 Saudi Arabia [أبومهند]
1.00/5 (14 صوت)

03-25-1431 10:01 PM
مهما كتبت في أخي أبي البندري فلن أستطيع أن اوفيه حقه . شاعر مبدع وصاحب خيال وحضور جميل , شعره مزيج من الواقع الهادئ والخيال العذب والتجربة الصادقةز


#2143 Saudi Arabia [متابع من بعيد]
1.01/5 (14 صوت)

03-25-1431 10:33 PM
إبحث عن الاعلام . هو البوابه الوحيدة للجمهور

إنظر إلى إبن فطيس


بالتوفيق


#2144 Saudi Arabia [أبو فجر]
1.00/5 (13 صوت)

03-26-1431 12:52 AM
أعرف محمد علي السليس ,

هو من عائلة شعرية كاملة ...

وأعرف أن والده رحمه الله شاعر متمكن , وأعرف أن إخوانه جميعاً ( عبد الله ,حمدان , خالد ) شعراء .

ولكن الذي لا أعرفه : هو أن محمد السليس يملك هذه النجومية الحقيقة , وهذا الإبداع الشعري ..


#2150 Saudi Arabia [نواف]
1.00/5 (13 صوت)

03-26-1431 11:48 AM
مهما كتبنا فلن نفيك حقك

دمت مبدعا في سماء الشعر


#2151 Saudi Arabia [عاشقة الشعر الجميل]
1.00/5 (12 صوت)

03-26-1431 04:34 PM
محمد السليس

صاحب الحرف الذي يقف بنا على اعتاب العذوبة والروعة

الفكر الوارف والحضور القوي للمفردة تجد محمد السليس

يتوشحه باستحقاق كل نص اقرأه لعذب الحروف

وسيد الشعر الجميلمحمد السليس

يفتح لي أفاقا أخرى للشعر

الحقيقة أن شعره

يعتبر مقياس للمفاضلة بما أنه الأجمل

دام حرفه وصح نبضه وأشكر إخبارية عفيف وأهنئها

لانصافها الشعر

بهذا اللقاء الرائع





#2153 Saudi Arabia [الجريح]
1.00/5 (12 صوت)

03-26-1431 06:29 PM
لو اكتب في ابو البندري من هنا والصباح الثاني مااوفيته حقه شاعر ذو حظور جميل ومميز عن كل الحظور شاعر شعره له صدقه واحساسه ولن اوفيه حقه مهما كملت واقول عساك عالقوه يامحمد


#2165 Saudi Arabia [طلال]
1.00/5 (12 صوت)

03-27-1431 04:24 PM
كبير يابو البندري وانا واثق ثقه تامه من خلال معرفتي الشخصيه بك انك شاعر مميز وسيكون لك حضور قوي واتمنى من محافضه عفيف من خلال المهرجانات الاهتمام به اكثر


بدر العتيبي
تقييم
2.19/10 (263 صوت)

Powered by Dimofinf cms Version 3.0.0
Copyright© Dimensions Of Information Inc.

|راسلنا | للأعلى
Copyright © 1440 afifnp.com - All rights reserved | المصمم محلولة