[COLOR=darkblue]بحث :[/COLOR]
لايوجد أجهزة .. العالم مشغولة بصيف عفيف ..

[COLOR=darkblue]أول واحد :[/COLOR]
وش سالفة المنتديات الكبرى تتكلم عن فضائح عفيف .. لا سالفة ولاهم يحزنون .. ربيعنا يحبون الفضائح ونشر الغسيل .. إذا زعلوا على بعض !! ايه يالدنيا بكره سواليفك ذي في الساحات مع عكوز .. من هو عكوز .. مدري .. اص !!

[COLOR=darkblue]عكوز :[/COLOR]
الله اكبر ياأبو العواكيز .. في كل مكان مركوز .. هناك تشتغل وهنا تنتقد من قدك !! اسمك على كل لسان .. على فكرة من أنت ياعكوز نفسي أعرف .. أسأل جيران ربعنا ؟

[COLOR=darkblue]مستوحش :[/COLOR]
تكثر هذه الأيام المواضيع التي تتحدث عن برنامج الصيف في عفيف .. لدرجة أصبح سكان المملكة الطفرانين اللي ماراحوا سياحة " يتسامرون " بالهذرة عن مهرجان عفيف .. صدق رب ضارة نافعة .. ممكن السنة الجاية تجي " أم بي سي " تغطي المهرجان ونرتاح من الرعاية الحصرية .. وسنوات الضياع !!

[COLOR=darkblue]العومة مأكولة مذمومة :[/COLOR]
لجنة التنظيم جاءت بفكرة ونفذتها .. ما لأحد دخل .. تعالوا تفرجوا وبلاش .. شعار جيد .. بس في عفيف .. كل شئ مخيف .. ممكن ترمى بتهمة وتروح في ستين داهية .. شكل المهرجان كان عرض لفلم " الطريق إلى كابول" ويقولون فيه اختلاط بعد وتفتيش الطالع والداخل .. ياكافي ..يعني نقعد في بيوتنا أحسن .. لا نروح صيف قليشه !!

[COLOR=darkblue]واصل :[/COLOR]
وملطوع برا .. الله مواهب ضاعت !!

[COLOR=darkblue]الفجر الجديد :[/COLOR]
وش أخبار ادارة التعليم بعد الحركات الأخيرة .. مامن خبر ولو به جديد طالع الساحة !

[COLOR=darkblue]آخر المطاف :[/COLOR]
إجازة من السيد بدر ولمدة شهر .. نروح لصيف بارد ومافيه ازعاج .. على طارئ بدر أمس مرتز في جريدة الرياض ومن قدك .. تناظرني بنصف عين ولاجايب خبر .. أأشر لك وتطنش .. هين المرة القادمة نجيب لك خبر .. وأكيد العقوبة على صاحبنا في شهر العسل أو البيك .. ومبروك جريدة عفيف !!

[COLOR=blue]أرسلها : عابر سبيل [/COLOR]