الأجل محتوم مهما تعددت المطالب , والكرم من شيم العظماء, هكذا تجددت مناشدات كبار الشعراء والاعلاميين في عدد من الصحف ومواقع التواصل الاجتماعي في رسائل نداء للشيخ “قايد بن مناع العازمي ” للعفو عن قاتل ابنه أحمد مطر العتيبي مستدلين بالقران والسنه.

وتفاعل الشعراء مع هاشتاق #عتق_رقبة_احمد_مطر_القسامي يحذوهم الأمل بكرم الشيخ قايد. حيث مازالوا متفائلين بعفوه عن الشاب صغير السن الذي ابتلي ببلواه واودع بسجن الملز منذ خمس سنوات ماضيه, وزاد الاعلاميين في تقاريرهم لهذا اليوم في صحيفة نشر وشاعر واخبارية عفيف وعدد من الصحف الخليجيه بالاسناد لتاريخ القضيه التي صاحَبها وقوف مشايخ قبيلة عتيبه.

الجدير بالذكر وجّهت والدة الشاب احمد مطر مناشدتها للشيخ قايد بن مناع في قصيده ملؤها التفاؤل والأمل ترجو من الله العلي القدير أن يغفر له ثم من اهل القتيل ان يعفو عنه :

الجمره اللي يابن مناع ناشتك
تكفى تجمل فكني من سناها
تكفى بجاه الله تراني دخيلتك
منها قبل ע يبتديبي عناها
تكفى بجاه الله وجاهك وحسنتك
من الحسره اللي مقبل للي لقاها
تكفى بجاه الله وجاهك ونخوتك
انخاك ثم انخاك يا منتهاها
تكفى بجاه الله وجاهك وقيمتك
ياعالي القيمة وتلقا جزاها
يوم الملاقا والحساب بصحيفتك
نفسك بفعل الخير تلقا رضاها
تكفى فديتك لاعدمتك مصيبتك
صعبة وأقول الله يعينك علاها
بأمر الولي صارت وجارت وزارتك
ماهو برضانا ولك مانباها
صار القدر مإفيه شك ۈ سلامتك
وروحي يابن مناع همي براها
ارجي من المولئ العزيز وعزيمتك
يالعازمي مازلت أنا في رجاها
الطيب عنوانك والامجاد رأيتك
من روس قوم بالعلالي بناها
الاد عاصي روق ساسك وعزوتك
عوازم بالطيب يعرف نباها
انخاك بسمك خص ونخى قبيلتك
تكفون ياهل الطيب يا حجاها
تكفى يابن مناع وجب قريبتك
اللي بلاك الله بها وابتلاها
تكفى وتكفى لو تردد لحضرتك
تبى تحصل عندكم مبتغاها
اسمك يكفينا ويكفيك سمعتك
بين القبائل رافع مستواها
العالم الله ماجهلنا بحضرتك
لو كنت أنا ماعرفك فيك نتباها
الأم تنخى في ولدها وأمانتك
انك ترد لها ولدها ضناها
الأم هذي مع ولدها رهينتك
وانته يابن مناع ضمن أقرباها
تكفى ע يصبح هالغليم ذبيحتك
اكسب به الجنة وتلقى جزاها
ماهي صعيبه عند مثلك وشيمتك
تفرض على مثلك يحقق مناها
والله مانبغى يابن عاصي مهونتك
أدخل على الله مايضرك عطاها
اكسبها معروف تعلي مكانتك
نفس ضعيفه وانته اللي وراها

نتطرق هنا لقبس قليل من كثير سطّره الشعراء /

عبدالكريم المحينيش
تكفى يابن مناع لاتمنع الخير
لاجوك بيضان اللحى وسع الباب
لاتنتقص قدر الوجيه المسافير
اللي ليا قاموا يفكون الارقاب
ترى التقاضي مايرد المقادير
وترى البلاوي تدرج يدين الاسباب
اعتق سجينك ماورى ذبحته خير
الا الحسايف والندم بين الاقراب
تراك من روس الرجال المناعير
اللي عطاياهم تقر بها الاجناب
الاد عاصي يوم مد الدنانير
مداتهم روسٍ تحت حد وانصاب

رامي بدر
ضاق صدري مابقا وسطه رحابه ،
والحميا تشتعل في وسط دمي
اللحم والدم وجذور القرابه ،
كيف ماتتركني أجزع فأبن عمي

علي أبو ثنتين
ينخون ابن مناع قايد وانا انخاه
وينخونه الشيخان داني وقاصي
تكفى يا ابوراكان مابه مراواه
العفو مال اجره من الخير عاصي
اكسبه الجنه مع الصيت والجاه
جعله يكفر عنك كل المعاصي
وعساء فقيدك جنة الخلد مثواه
وعساك تقبل قاف من جاك ناصي

فيصل بن محيا
تكفى يابن مناع والاجر تلقاه
انتم هـلٍ للطيـب يالاد عـاصي
احمد صغير الله يعينه ببلواه
اعتق رقبته قبل يوم القصاصي

زبن القاضي
العفو من ماضي الايام طبع الرجال,
والأجل محتوم مهما كان نوع اسببه,
تكفون يالاد عاصي ياكرام السبال,
ترى اعظم الاجر عندالله عتق رقبة

الوليد بن منصور
نصيح وننتخي داني وقاصي
نبي فزعه ووقفه يالعوازم
ولايخيب الرجاء فألاد عاصي
هل الطاله يسدون اللوازم

تركي ناصر السلات
ياالله يامعتق عباده من النار
تعتق ارقبت احمدوتصخر خصومه
يالاد عاصي ياهل المجد والكار
الله يرحم كل نفسن رحومه

شيلة بندر السلات :
[url]http://t.co/WmDDc9aZ[/url]

مساعد العضياني
يالاد عاصي مابقى شيء تـكفـون
تكفون ياهل الطيب واهل الشهامه
تكفى يابن مناع تـكفى ومـمنون
حقق مرام اللي سعى في مرامه
نطلبكم المـطلوب ياليت تـعفـون
أحمد صغير و لايع السجن ضامه
وأهله بـعـد حكمـه ياقائـد يـعـانـون
ودمـوعهـم صـارت عليهم علامه
تكفـون ثم تكفـون تكفـون تكفـون
نبغى الـعفو ياهل الـنقا والـزعامه