ألف وثلاث امية وواحد وخمسين
تاريخ تروى فيه قصة بطولة
الله جمعنا به تحت راية الدين
بقيادة اللي راسخاتً فعوله
فعوله اللي رجحن الموازين
حتى استعز العدل بأعز دوله
عبدالعزيز ابن الشيوخ السلاطين
آل السعود وكل مجدً تطوله
طهر بلد عايش على البدعه سنين
والدين لاحوله ولاهوب حوله
ووحد قبايل ذاقت اردى الأمررين
بصدقه بعد توفيق ربي وحوله
كان الجهل والشرك يشبه عما العين
وزاحت بعد ماجاك يشعب ذلوله
هذاك اخو نوره زبون المخلين
اللي اله فالدار صوله وجوله
تعجز علئ وصفه جميع الدواوين
هذا الصحيح اللي علينا نقوله
وبعده رجالً هم على العهد باقين
مشو على نهجه وفعله وقوله
تواضعو للاغنياء والمساكين
لان التواضع من كمال الرجوله
من مات جعله يحشر مع النبيين
وقبره نعيم بكل عرضه وطوله
ويمد بأجل اللي على الارض حيين
ويحيئ الوطن ( وقومو معي صفقو له
(
(
