مرثية الشيخ خالد بن شليويح العطاوي في ابنه الشهيد ناصر بن خالد بن شليويح رحمة الله رحمة واسعه ..

عسى السحاب اللي مزونه مراويح
يمر قبر اللي ذبح يم نجران

مرحوم ياناصر ذخاير شليويح
ومسندآ مابين فاجر ومشعان

ربيت ياناصر على هبت الريح
وعمق الشجاعة مع طويلات الازمان

انته ذخاير مرذي الفطر الفيح
ومراجلن ماتنتقدر بالاثمان

وانته حفيدآ للرجال الطحاطيح
ماكر حرارآ ماوكر فيه غربان

نهجت نهج مبعدين المصابيح
صناعت التاريخ وطوال الايمان

يومن من الجمعة بدارن صحاصيح
حول على الحوثي كما طير حوران

واوطا على الحوثي وراحو مدابيح
واشبع طيور الجو والذيب سرحان

دفعت نفسك للخطر دون تصفيح
من دون دينك والوطن وامر سلمان

ماخفت من ضرب السهوم المجاريح
ارخصت روحك للوطن ياكحيلان

يوم الملاقا والمنايا مناطيح
سطر لك التاريخ بالمجد عنوان

وحنا مقادمنا الرجال الزحازيح
ومواقفن ماتنسي مهما كان

وحنا ذخاير مبعدين المشاويح
نطاحت الكايد ملاقيت الاكوان

انا تراي بخيت وانا شليويح
وانا تراني عقب فاجر ومشعان

رجالنا من يمة الخوف مازيح
وتاريخنا في نجد مافيه نقصان

يالله طلبتك ربنا منتب شحيح
اجبر عزانا يالولي قاضي الشان